Thursday, 28 March , 2024
امروز : پنج شنبه, ۹ حمل , ۱۴۰۳ - 19 رمضان 1445
شناسه خبر : 25326
  پرینتخانه » سیاسی تاریخ انتشار : 17 سپتامبر 2020 - 10:19 |

حنیف اتمر به تاجیکستان رفت

حنیف اتمر به تاجیکستان رفت

سرپرست وزارت خارجه افغانستان در راس یک هیات بلندپایه دولتی به تاجیکستان رفت.

به گزارش خبرگزاری پامیر، محمد حنیف اتمر، سرپرست وزارت امور خارجه افغانستان امروز پنج‌شنبه، ۲۷ سنبله در راس یک هیات بلندپایه دولتی به تاجیکستان رفت.

طبق اعلام وزارت خارجه، این سفر دو روزه به دعوت رسمی تاجیکستان انجام شده است.

وزارت خارجه گفته است که آقای اتمر در این سفر با امام علی رحمان رئیس‌جمهور، قاهر رسول‌زاده نخست‌وزیر، سراج‌الدین مهرالدین وزیر خارجه و سید مؤمن یتیم‌اوف رئیس کمیتۀ دولتی امنیت ملی تاجیکستان دیدار می‌کند.

طبق اعلام وزارت خارجه، بحث‌ها و مذاکرات روی تقویت هرچه بیش‌تر روابط دو کشور در بخش‌های امنیتی و مرزی، ترانسپورت، سرمایه‌گذاری، تجارت، ترانزیت و انرژی متمرکز خواهد بود.

حنیف اتمر را در این سفر شماری از مقامات دولتی، والیان و اعضای مجلس نماینده‌گان همراهی می‌کند.

به اشتراک بگذارید
تعداد دیدگاه : 0
  • دیدگاه های ارسال شده توسط شما، پس از تایید توسط تیم مدیریت در وب منتشر خواهد شد.
  • پیام هایی که حاوی تهمت یا دروغ باشد منتشر نخواهد شد.
  • پیام هایی که به غیر از زبان فارسی یا غیر مرتبط باشد منتشر نخواهد شد.