معین اقتصادی پیشین وزارت امور خارجه افغانستان امروز به حیث معین سیاسی جدید این وزارت معرفی شد.

به گزارش آژانس خبری پامیر، میرویس ناب معین اقتصادی پیشین وزارت امور خارجه قبل از چاشت امروز طی محفلی، توسط محمد حنیف اتمر سرپرست وزارت امور خارجهٔ جمهوری اسلامی افغانستان، به حیث معین سیاسی جدید این وزارت، معرفی گردید.

محمد حنیف اتمر، سرپرست وزارت امور خارجه در مورد توانمندی‌های مسلکی، سابقهٔ کاری، مسؤولیت‌پذیری، و تعهد و وفاداری معین سیاسی جدید صحبت کرده اورا شایستهٔ این مسؤولیت بزرگ دانست و برایش تبریکی گفت.

آقای اتمر بیان داشت که این تصمیم جلالتمآب رئیس جمهور پیام مهمی برای همکاران و کدرهای ورزیدهٔ وزارت امور خارجه دارد و نمایانگر این است که راه رشد مسلکی و تخصصی در این وزارت باز بوده و تصامیم مهم رهبری حکومت بر مبنای نیازمندی‌ها و اولویت‌های مسلکی وزارت اتخاد می‌گردند.