زلمی خلیلزاد، نماینده ویژه امریکا برای صلح افغانستان پس از سفر به دوحه به تاجیکستان رفته و با مقام‌های آن کشور در مورد روند صلح افغانستان گفتگو کرده است.

به گزارش آژانس خبری پامیر، زلمی خلیلزاد نماینده ویژه امریکا برای صلح افغانستان پس از گفتگو با هیئت‌های مذاکره‌کننده دولت و گروه طالبان، وارد شهر دوشنبه، پایتخت تاجیکستان شده و با امام‌علی رحمان، رئیس جمهوری و شماری از مقام‌های دیگر تاجیکستان دیدار کرده است

در این دیدار امام‌علی رحمان به زلمی خلیلزاد گفته است که دوشنبه خواهان تامین صلح در افغانستان است و در این راستاً آماده است که همکاری کند.
رئیس جمهوری تاجیکستان اما گفته که نگران امنیت مرز مشترک میان افغانستان و تاجیکستان است.
زلمی خلیلزاد نماینده ویژه امریکا برای صلح افغانستان پیش از این گفته که تلاش می‌کند اجماع منطقه‌ای از روند صلح این کشور بیشتر تقویت شود.
در همین حال شماری از اعضای هیئت مذاکره‌کننده دولت افغانستان در قطر پس از دیدار آقای خلیلزاد با تیم‌های مذاکراتی دولت و طالبان می‌گویند که گروه‌های تماس دو طرف، بار دیگر گفتگوها را آغاز خواهند کرد.