امام‌علی رحمان رییس‌جمهوری تاجیکستان روز جمعه(۲۵ سرطان) از نیروهای نظامی و دفاعی کشورش در مرز با افغانستان دیدار کرد.

به گزارش آژانس خبری صدای پامیر، شماری از رسانه‌های دولتی تاجیکستان گفته‌اند که رییس‌جمهوری این کشور در میان نظامیانش سخنرانی کرده است.

پیش از این نیز گزارش شده بود که دولت تاجیکستان حدود ۲۰ هزار نظامی خود را برای جلوگیری از تهدیدهای ناشی از جنگ افغانستان، در مرز با این کشور مستقر کرده بود.

شدت جنگ در ولایت‌های شمالی افغانستان، شماری از کشورهای آسیای مرکزی را نگران کرده و تدابیری را در مرزهای خود با افغانستان اتخاذ نمودند.

پیش از این، به‌دلیل حملات تهاجمی طالبان در برخی از ولایت‌ها، برخی از نیروهای امنیتی به کشورهای ایران و تاجیکستان عقب‌نشینی کردند.

آژانس خبری صدای پامیر- کابل