مذاکرات میان نیروهای مقاومت به رهبری احمد مسعود و طالبان با پا درمیانی پاکستان وتاجیکستان در دوشنبه پایتخت تاجیکستان برگزارمی‌شود.

به گزارش آژانس خبری صدای پامیر، امام علی رحمان، رئیس جمهور تاجیکستان وعمران خان، نخست وزیر پاکستان دیروز(جمعه، ۲۶ سنبله) در یک نشست مطبوعاتی اعلام کردند که مذاکرات میان نیروهای جبهه مقاومت و طالبان ممکن است به زودی در شهر دوشنبه برگزار شود.

نخست وزیر پاکستان گفت: ما توافق کردیم که تاجیکستان با رهبران جبهه مقاومت وپاکستان سران طالبان صحبت کند تا هرچه عاجل‌تر به میز مذاکره بنشیند.

همچین امام علی رحمان تاکید کرد که پاکستان وتاجیکستان به پا درمیانی مذاکرات همکاری خواهند کرد.

آقای رحمان گفت: او از دولت فراگیر در افغانستان با مشارکت همه گروهای اجتماعی حمایت می‌کند.

او گفت: ” ما از دولت فراگیر در این کشور با مشارکت همه گروه های اجتماعی حمایت می کنیم، تاجیک ها و سایر اقوام جایگاه شایسته خود را در دولت فراگیر خواهند گرفت. ما متقاعد شده ایم که این تنها گزینه برای تامین صلح و ثبات در افغانستان است”.

آژآنس خبری صدای پامیر-کابل