مسئولان در وزارت معارف طالبان گفته اند که عالمان دین را در اداره‌های دولتی جذب می‌کنند و مدرسه‌های دینی را به رسمیت می‌شناسند.

به گزارش آژانس خبری صدای پامیر؛ سیدغیاث‌الدین، مشاور وزارت معارف طالبان که روز گذشته در محفلی در میان مردم در شهر میمنه، مرکز فاریاب صحبت می‌کرد، گفته است که در دولت‌های گذشته در حق عالمان دین جفا شده بود و دولت‌ها به آن‌ها ارزشی قایل نبودند.

به نقل از «سلام وطندار»، به گفته‌ مشاور وزارت معارف، حکومت طالبان تصمیم گرفته است که ۲۰ هزار بست خالی را برای جذب عالمان دین در اداره‌های دولتی، برای آنان اهدا کند.

سیدغیاث‌الدین، می‌افزاید که مدرسه‌های دینی را به رسمیت می‌شناسند و مدرسان را در بست‌ها جابه‌جا می‌کنند.