معاونیت اقتصادی گروه طالبان اعلام کرده که این گروه نشست پیگیری موضوعات اقتصادی شریکشده با هیأت روسی را برگزار کردند.
به گزارش آژانس خبری پامیر، گروه طالبان در خبرنامهای اعلام کردند، تحت ریاست ملا عبدالغنی برادر معاون اقتصادی این گروه، نشستی به منظور تعقیب موضوعات به اشتراک گذاشته شدۀ اقتصادی با هیات روسی، در کابل برگزار شده است.
طالبان گفتند که به وزارتخانههای آب و انرژی، معادن و پترولیم، زراعت، آبیاری و مالداری، فواید عامه، شهرسازی و مسکن، ترانسپورت و هوانوردی، صنعت و تجارت، معینیت راه آهن وزارت فواید عامه و ریاست عمومی شرکتهای این گروه وظیفه سپرده شد تا هر وزارتخانه و اداره، پروژههای بزرگ و مهم اقتصادی مرتبط با حوزه کاری خود را همراه با معلومات تفصیلی با معاونیت اقتصادی شریک سازند.
معاونیت اقتصادی این پروژهها را با هیأت عالی رتبه به رهبری سرگئی شویگو منشی عمومی شورای امنیت ملی فدراسیون روسیه که به تاریخ پنجم ماه قوس روان به کابل سفر نموده بود، شریک خواهند ساخت.
آژانس خبری پامیر
