به گزارش آژانس خبری پامیر، شرکت برشنا امروز پنج‌شنبه(۲۵ثور) در اعلامیه‌ای گفته که عبدالباری عمر، رئیس این شرکت با دلیر جمعه، وزیر انرژی تاجیکستان، در دوشنبه دیدار کرده است.
وزیر انرژی تاجیکستان، گفته که تاجیکستان با افغانستان، به‌عنوان یک کشور مسلمان و همسایه، در زمینه‌های انتقال انرژی، ثبات و امنیت همکاری مشترک دارد.
عبدالباری عمر در این دیدار گفته که افغانستان با کشور تاجیکستان مشترکات زیادی دارد و طالبان تلاش دارند تا روابط نیک اقتصادی و سیاسی با جهانیان به‌ویژه کشورهای همسایه اسلامی داشته باشد.
طالبان گفتند که دو طرف به‌عنوان کشورهای همسایه اسلامی بر تعهد خود برای همکاری‌های گسترده و همه‌جانبه در زمینه ثبات و توسعه در بخش انرژی برق تأکید کردند.
آژانس خبری پامیر
