دفتر معاونیت اقتصادی گروه طالبان اعلام کرده که سرمایه‌گذاران اوزبیکستانی روی تولید برق از زغال سنگ در افغانستان سرمایه‌گذاری می‌کنند.
دفتر مطبوعاتی معاونیت اقتصادی گروه طالبان امروز دوشنبه(۱۱ سرطان) دراعلامیه‌ی گفته که ملا عبدالغنی برادر با شماری از سرمایه‌گذاران اوزبیکستان درکابل دیدار کرده است.
طالبان گفتند که سرمایه‌گذاران اوزبیکستانی به استخراج و پروسس زغال سنگ درا فغانستان، تولید برق از زغال سنگ، احداث تصفیه خانه معیاری نفت، ساخت کارخانه سمنت، استخراج معادن نمک و تولید نمک معیاری، ساخت کارخانه نساجی معیاری و در بخش حکومت‌داری الکترونیکی به سرمایه گذاری علاقمندی خود را ابراز کردند.
طالبان از قول سرمایه گذاران اوزبیک گفتند افغانستان اکنون به کشوری مناسب برای سرمایه گذاری تبدیل شده است و آنها به طور کامل آماده هستند تا در این بخش‌ها سرمایه گذاری نموده و تجارب خویش را با افغان ها شریک سازند.
آژانس خبری پامیر
