محسن داور رییس جنبش ملی دموکراتیک و عضو پارلمان پاکستان می‌گوید که طالبان با زور سلاح به افغانستان آمده و با زور سلاح دوباره بیرون خواهند شد.
آقای داور امروز دوشنبه ۶ قوس، در یازدهمین نشست سالانه امنیتی هرات در تاجیکستان گفت که “آنان {طالبان} از طریق سلاح آمده‌اند، این‌گونه باید آنان را بیرون کنید.”
او خاطر نشان کرده که طالبان به دنبال به رسمیت شناخته شدن از سوی خارجی‌ها هستند، اما آنان به این‌که از سوی مردم افغانستان به رسمیت شناخته شوند فکر نکرده‌اند.
او همچنین در حاشیه نشست امنیتی هرات در گفتگو با رسانه‌ها، اقدامات طالبان به ویژه علیه زنان در افغانستان را غیر انسانی خوانده‌است.
گفتنی است که یازدهمین دور نشست امنیتی هرات با اشتراک سیاستمداران و کارشناسان امروز در شهر دوشنبه پایتخت تاجیکستان برگزار شد.
