سرپرست وزیران تحصیلات عالی و معارف گروه طالبان در حاشیه نشست بین‌المللی وزیران تحصیلات عالی و معارف فدراتیف روسیه، با دانشجویان افغانستان مقیم شهر کازان کشور تاتارستان دیدار کردند.
وزارت تحصیلات عالی گروه طالبان بامداد امروز سه‌شنبه(۲۲ جوزا) در اعلامیه‌ی از قول ندا محمد ندیم گفته به اساس فرمان رهبری این گروه تمام ادارات طالبانی وظیفه دارند که در بست های خالی شان فارغان نهاد‌های تحصیلی کشور را جذب نمایند.
دانشجویان افغانستان مقیم روسیه خواست‌ها و مشکلات شان را با سرپرست وزارت تحصیلات عالی گروه طالبان شریک کردند.
سرپرست وزارت معارف گروه طالبان هم خطاب به دانشجویان افغانستان مقیم کازان گفته در هر وقت و در هر جای که حضور داشتید متعهد به دین، جامعه و کشور خود باقی مانده و به دروس تان کوشا باشید.
آژانس خبری پامیر
