مهاجران افغانستان در اندونیزیا بار دیگر نسبت به بی‌تفاوتی سازمان بین‌المللی مهاجرت در قبال سرنوشت پرونده‌های مهاجرتی شان، تظاهرات کردند.
این مهاجران روز دوشنبه ۲۲ اسد، با راه اندازی راهپیمایی اعتراضی در شهر جاکارتا پایتخت اندونیزیا از سازمان بین‌المللی مهاجرت می‌خواهند که روند بررسی پرونده‌های مهاجرتی آنان را تسریع بخشد.
آنان می‌گویند که بیشتر شان از حدود ۱۰ سال به این طرف در حالت بی‌سرنوشتی در اندونیزیا به سر می‌برند.
مهاجران معترض از کشورهای مهاجر پذیر خواسته که برای رهایی آنان از بی‌سرنوشتی اقدام کرده و آنان را نجات دهند.
تا هنوز چندین مهاجر اهل افغانستان به دلیل طولانی شدن روند بررسی پرونده مهاجرتی‌شان در اندونیزیا دست به خودکشی زده‌اند.
گفته می‌شود که دولت اندونیزیا به خاطر میزبانی از مهاجران سالانه میلیون‌ها دالر کمک مالی از سازمان ملل دریافت می‌کند و به همین خاطر روند بررسی پرونده‌های مهاجران را به درازا می‌کشاند تا سالهای بیشتر از این کمک‌ها مسفتید شود.
آژانس خبری پامیر
